麥雅緻無限支持張頴康：繼續發你個夢 屋企我來頂！
發布時間： 2016/11/28 13:50
最後更新： 2020/05/18 13:01
張頴康於《TVB馬來西亞星光薈萃頒獎典禮2016》摘下「最喜愛TVB飛躍進步男藝員」，入行逾16年的他一時感觸，哽咽於台上：
我入行16年！我每年都有睇頒獎禮，我每年都無嚟! 我今年終於有得嚟！
在劇中《一屋老友記》中飾演「三寶」一角的張頴康，戲中是位老婆奴，在現實中他則是人所共知的愛妻號。苦盡甘來，張頴康坦言要特別感謝太太的支持。他回憶6年前成家立室之時，面臨經濟拮据的困局，曾經離開TVB而轉當文員。直至一次車禍後，才令他重拾失落的演員夢。他在台上激動的說道：
如果我就咁死咗，我十年嚟連主角、主要的演員都未做過，我唔甘心！我同老婆講我想返TVB拍劇，佢話︰『繼續發你個夢啦，屋企我頂！』如果無我老婆，張頴康冇可能用演員身份去拎呢個獎! 多謝我老婆! 我愛你!
【延伸閱讀】李嘉欣「絕不做虎媽」 她是如何培養兒子？
張頴康在得獎後亦在跟太太麥雅緻共同經營的Facebook發帖表達得獎心得：
終於攞倒我人生第一個獎，心情真係好激動！
他在回港後第一時間跟家人食羊脾煲慶祝，雖然並不是山珍海錯，但從相片中仍能感覺到濃濃的愛。他更揚言：
我想多謝大家一直以嚟除咗支持我之外，亦都愛屋及烏，支持哂我哋一家人！開心咗兩日，聽日開始我又會重新出發，繼續努力，盡全力做好我每一個角色，照顧好我嘅家庭！
其實早在知道張頴康獲提名之時，麥雅緻就已經在Facebook上發表愛的鼓勵：
當然，在作為太太的心目中，他得獎與否也是我最喜愛的演員，但說真心的，我也希望他得到獎項的肯定！ 明天（星期六）晚上8:30pm，我會同小豆一齊睇電視為爸爸打氣！加油！
當得知張頴康獲獎後，太太麥雅緻亦在Facebook上甜蜜的回應：
我倆都了解，這個行業並不是付出了努力，就一定能獲得回報。阿康除了付出了最基本的努力外，感恩的是得到一些很好的角色，很多台前幕後的幫助，一步一步累積演戲經驗。
而我，可能只是一個最強的「啦啦隊」，時刻提醒他『你係得嘅，一定有機會㗎！』正所謂有粥食粥，有飯食飯！2個人簡簡單單生活總不成問題的！
張頴康這名副其實的「愛妻號」兼好爸爸亦時常在網絡媒體上大曬幸福，不停發放閃光彈！早前，他便在Facebook上指他與老婆在大排檔撐檯腳，
曾經睇過一篇文章：『如果有一個女仔肯同你坐大排檔，你真係好幸福！』但係今晚竟然係我老婆要求我坐大排檔，所以我係非常之幸福！曬命完畢！
除此之外，今年11月8日為兩夫婦的四週年結婚紀念日，張頴康借女兒小豆之手為愛妻獻花，既甜蜜又溫馨！張頴康在Facebook上發帖表示，
今年有小豆幫我送花俾老婆！一家人簡簡單單食餐飯慶祝，然後兩公婆去IMAX睇奇異果博士，跟住再去食個甜品！多謝老婆呢四年嚟仍然咁愛我！今晚冇得早瞓，因為到我要砌Lego!!!多謝老婆！
夫婦人前人後，恩愛非常！除了勁放閃光彈之外，張頴康亦不時貼出愛女「小豆」的萌照，簡直幸福滿瀉！
張頴康母親在他四歲便離家出走，而父親則在他十歲那年於內地聚妻，自此極少與他見面，父子倆亦漸行漸遠。自小被雙親頻棄的他由祖母帶大，他坦言自太太麥雅緻的出現，彌補了他心中的成長創傷，令他感受到家庭的溫暖，亦沉默寡言的他，漸變得開朗。
【其他熱話】從會考14分到人氣營養師 黃凱詩：跌跌碰碰還是有路可走
【其他熱話】營養師一月減8磅 黃凱詩剖白「貼地」減肥餐單
【其他熱話】香港輻射高過東京？一圖睇晒日本輻射量
